Презентация на тему: "Презентация внеклассного мероприятия "Табигать-уртак йортыбыз""

Табигать- уртак йортыбыз!

Тукай районы Советлар Союзы Герое Н.Х.Шарипов исемендәге Теләнче-Тамак
гомуми урта белем бирү мәктәбенең
I нче категорияле башлангыч сыйныф укытучысы
Гимазетдинова Энҗе Сәлимҗан кызы

Максат: Укучыларда табигатькә сакчыл караш, экологик культура тәрбияләү, үзеңнең табигатьтәге гамәлеңә, мөнәсәбәтеңә һәрвакыт бәя бирергә өйрәнү

Хәерле көн,күгемә!
Хәерле көн,җиремә!
Хәерле көн,кошларга!
Хәерле көн, суларга!
Хәерле көн, дусларга!

Әйдәгез,урманга һәм кырга,
Табигать китабын укырга.
Бу китап гаять зур, гаять бай,
Анда бар: Җир,Су,Күк,Кояш,Ай.

Мин—ҖИР-АНА!
Бар җиһанның анасы.
Сезгә дәшәм, сезгә сөйлим,
Тыңлагыз,Табигать патшасын!

Куркыныч саннар.
Татарстан Республикасының Кызыл китабына 22 төр суүсем, 24 төр гөмбә, 138 төр хайван, 9 төр балык, 82 төр кош, 99 төр бөҗәк кертелде. Аларга куркыныч яный!
Җир йөзендә 65 төр хайван, 140 төр кош бөтенләй юкка чыккан, ә хәзер тагын 600гә якын юкка чыгу алдында тора.
Һаваны пычратудан бер елга 329 млн. сумлык зыян килә.
Бер җиңел машина елына үз авырлыгы кадәр углекислый газ бүлеп чыгара.

Минем исемем “Имән”,
Мин күптән яшәп киләм.
Бик көчле агач имән,
Җилләргә, давылларга,
Берсенә дә баш имәм.

Карт имәннәр салмак кына шаулыйлар. Җил имән очларына кагыла. Имән – тарихчы ул, урманның тарих укытучысы.
Имәнлекнең кырыенда миләш, гөлҗимеш, балан кебек куаклар үсә. Эчкә киткән саен карама, өрәңге, нарат шикелле эрерәк агачлар да күренә. Шулар арасыннан озын, таза имән агачлары үзләренең калын ботаклары белән күккә сузылалар. Әйтерсең бу горур имәннәр башка агачларны саклап үстерәләр. Имәнлекнең гомуми мәйданы 48 га. Ул катнаш урман. Имән иң чыдам һәм озын гомерле санала

Мин- мәтрүшкә, тыйнакмын.
Зәңгәр чәчәк атамын.
Җанга-тәнгә ләззәт биреп,
Хуш исләр таратамын.
Дәвалыйм авыруларны
Татлы хуш исем белән.
Авырудан арынуның
Мең төрле серен беләм.
Ә мин - балан куагы.
Йөткерсәң, я карлыксаң,
Әниең сиңа кич-иртә,
Бераз гына бал кушып
Балан суы эчертә.
Мин – гөлҗимеш чәчәге,
Урман-кырлар патшасы.
Купшы роза чәчәгенең
Мин бит ерак бабасы.

Бер кырмыска гаиләсе елына 1млн корткыч бөҗәкне юк итә
Урман санитарлары!

Бертуктаусыз көн-төн ага,
Бөтен кеше рәхмәт әйтә аңа.
Нәрсә булыр икән бу?

Безнең Игәнә елгасының озынлыгы 78 км,киңлеге
6-10 метр. Тирәнлеге 1-3 метр. Игәнә елгасы 13 кушылдыктан су җыя. Бу елга 1978 елдан Татарстанның табигый һәйкәле итеп кабул ителгән. Безнең мәктәпнең югары класс укучылары бу елганы даими күзәтәләр. Суның составын, чисталыгын тикшерәләр. Яшь галимнәр кебек эшлиләр.

Сулыкларны саклап тотыйк
Кул пычранса, су белән юарсың, су пычранса, ни белән юарсың?

Суның кадере – чишмә корыгач.

Эчмәм дигән коедан өч әйләнеп су эчәрсең.

Табигать дусларының кагыйдәләре:
Кошларны һәм җәнлекләрне рәнҗетмә! Аларның ояларына,өннәренә тимә; балаларын тотма, урманнан өеңә алып кайтма!
Агачларны, куакларны сындырма, чәчәкләрне өзмә!
Урманда учак якма! Кешеләр йөргән сукмактан гына йөр, таптама.
Елга, чишмә, күлләрне пычратма, чүп ташлама.

«Ярый – ярамый»
Теләсә кайда үләннәрне, чәчәкләрне таптап йөрергә...;
Урманда сукмактан йөрергә...;
Урманда музыка уйнатып йөрергә...;
Кошлар сайравын тыңларга...;
Кош ояларын туздырырга...;
Җиләк-гөмбәләрне таптарга...;
Агачларны сындырырга...;
Урманда чүп калдырырга...;
Ут-учак яндырырга...;

Саклыйк без урманны,
Суларны, кырларны.
Яңгырасын дөньяга
Сандугач моңнары.